Անհատական բնակելի տուն Գետարգելում

Նախագծի նպատակը Նախագծի հիմնական նպատակն է Կոտայքի մարզի Գետարգել համայնքում ստեղծել ժամանակակից և բազմաֆունկցիոնալ բնակելի միջավայր: 700 քմ հարթ հողատարածքում նախագծվել է ընդարձակ առանձնատուն՝ համալրված հանգստի գոտիներով, զրուցարանով և լողավազանով, ինչն ապահովում է կատարյալ հարմարավետություն քաղաքից դուրս: Հատակագծային և ֆունկցիոնալ լուծումներ Բնակելի տունն աչքի է ընկնում էրգոնոմիկ հատակագծով և սենյակների լայն կազմով. Բնակելի տարածք: Շենքի մուտքի հարթակը բարձրացված է հողի մակերևույթից 450 մմ-ով: Ներքին տարածքը ներառում է ընդարձակ հյուրասենյակ և խոհանոց, չորս հարմարավետ ննջասենյակ, երկու զգեստասենյակ, լվացքատեղի և երեք սանհանգույց: Բակային գոտի: Բակում նախատեսված է պլաստիկ լողավազան, զրուցարան և առանձին սանհանգույց՝ ստեղծելով լիարժեք հանգստի գոտի: Տանիք: Նախագծվել է երկլանջ տանիք՝ կազմակերպված արտաքին ջրահեռացման համակարգով, որն ապահովում է ջրերի հեռացումը դեպի ներքին տարածք: Ճարտարապետական և էսթետիկ լուծումներ Ճակատային հարդարում: Ճարտարապետական տեսքն առանձնանում է նյութերի և ֆակտուրաների յուրօրինակ համադրությամբ: Կիրառվել են բազալտե և տրավերտինե սալեր, սև տուֆ, ուղղանկյունաձև քարերով անկանոն շարվածք, ինչպես նաև 3D դեկորատիվ պանելներ և ապակյա մակերեսներ: Կանաչապատում: Հողամասի շուրջ 60%-ը (422 քմ) հատկացված է կանաչապատմանը, ինչն ապահովում է թարմ ու էկոլոգիապես մաքուր միջավայր: Կոնստրուկտիվ և Տեխնիկական բնութագիր Կառուցվածք: Շենքն ունի երկաթբետոնե միաձույլ կոնստրուկտիվ համակարգ և միաձույլ ծածկի սալեր: Արտաքին պատերը նախագծված են պեմզաբլոկով, որը համալրված է ջերմամեկուսիչ շերտով՝ ապահովելով էներգախնայողություն: Սեյսմակայունություն: Կառույցը նախագծված է սեյսմիկ II գոտու համար և հաշվարկված է 9 բալ և ավելի ուժգնության ցնցումներին դիմակայելու համար: Տեխնիկական ցուցանիշներ: Բնակելի տան հարկերի ընդհանուր մակերեսն արտաքին եզրագծով կազմում է 232.84 քմ, իսկ շենքի առավելագույն բարձրությունը՝ 7.42 մետր: