Եռահարկ առանձնատուն Առինջում

Նախագծի նպատակը Նախագծի հիմնական նպատակն է Կոտայքի մարզի Առինջ համայնքում ստեղծել ժամանակակից և հարմարավետ բնակելի տուն: Հաշվի առնելով տեղանքի թեք ռելիեֆը՝ նախագծվել է կիսանկուղային հարկով և երկու վերգետնյա հարկերով կառույց, որն ապահովված է հարթ տանիքով և բազմաֆունկցիոնալ սենյակներով: Հատակագծային և ֆունկցիոնալ լուծումներ Տունն առանձնանում է իր ընդարձակությամբ և սենյակների էրգոնոմիկ դասավորությամբ. Կիսանկուղային հարկ (-3,00 նիշ): Այս մակարդակում նախատեսված է ընդարձակ ավտոկայանատեղի (շուրջ 74 քմ), ինչպես նաև օժանդակ տարածքներ՝ պահեստ, խորդանոց և սանհանգույց: Առաջին հարկ (±0,000 նիշ): Հիմնական հասարակական գոտին է, որտեղ տեղակայված են հյուրասենյակը, ճաշասենյակը, խոհանոցը և մեկ ննջասենյակ՝ իր առանձնացված լոգարանով և զգեստասենյակով: Հարկն ունի նաև հարմարավետ մուտքի հարթակ: Երկրորդ հարկ (+3,60 նիշ): Նախատեսված է ընտանիքի անդամների հանգստի համար: Այստեղ առկա են չորս ննջասենյակներ, որոնցից յուրաքանչյուրն ունի իր առանձին լոգարանն ու զգեստասենյակը: Հարկն ունի չորս պատշգամբ, որոնք ապահովում են տեսարաններ դեպի շրջակայք: Տանիք: Ժամանակակից հարթ տանիք՝ կազմակերպված արտաքին ջրահեռացման համակարգով: Ճարտարապետական և էսթետիկ լուծումներ Ճակատային հարդարում: Ճարտարապետական կերպարը ստեղծվել է բնական նյութերի և ապակե մակերեսների համադրությամբ: Ճակատների երեսապատման համար օգտագործվել են բազալտե և տրավերտինե սալեր: Բարեկարգում: Շուրջ 1000 քմ մակերեսով հողամասի մեծ մասը՝ 66%-ը (658 քմ), հատկացված է կանաչապատմանը: Նախատեսված է նաև նոր պարսպի և ռելիեֆը կարգավորող պատերի կառուցում: Կոնստրուկտիվ և Տեխնիկական բնութագիր Կառուցվածք: Շենքի կմաղքը երկաթբետոնե միաձույլ կոնստրուկտիվ համակարգ է՝ միաձույլ ծածկի սալերով: Արտաքին պատերն իրականացվելու են քարե շարվածքով: Մակերեսներ: Կառուցապատման մակերեսը կազմում է 191.8 քմ: Վերգետնյա հարկերի ընդհանուր մակերեսն արտաքին եզրագծով (ներառյալ պատշգամբները) կազմում է 384.73 քմ: Ինժեներական ապահովում: Հողամասի հարևանությամբ առկա են բոլոր գործող ինժեներական ենթակառուցվածքները: