Բազմաֆունկցիոնալ հասարակական համալիր Դավթաշենում

Նախագծի նպատակը Նախագծի նպատակն է Երևան քաղաքի Դավթաշեն թաղամասում՝ Ան. Միկոյան փողոցին հարող տարածքում, ստեղծել ժամանակակից, բազմաֆունկցիոնալ հասարակական նշանակության շինություն: «ՍԿԿ» ՍՊ ընկերության պատվերով մշակված այս նախագիծը համատեղում է առևտրային, գրասենյակային և ժամանցային գոտիները՝ ապահովելով առավելագույն էֆեկտիվություն թեթև ռելեֆ ունեցող հողամասում: Ճարտարապետական և հատակագծային լուծումներ Շենքը բաղկացած է 6 վերգետնյա, մեկ կիսանկուղային և մեկ ստորգետնյա հարկերից: Ընդհանուր բարձրությունը կազմում է 28.5 մետր: Ստորգետնյա հարկեր: Նախատեսված են երկմակարդակ ավտոկայանատեղիներ՝ ընդհանուր 160 մեքենայի համար, որոնցից 20-ը համալրված են էլեկտրական մեքենաների լիցքավորման կայաններով: Ըստ քաղաքաշինական նորմերի՝ ստորգետնյա տարածքը ծառայում է նաև որպես ապաստարան: Առաջին հարկ: 6.3 մ բարձրությամբ առևտրային և արագ սննդի սպասարկման տարածքներ՝ ներառյալ անտրեսոլային հարկը: Գրասենյակային հարկեր: 2-րդից 5-րդ հարկերում տեղակայված են 17-ական ժամանակակից գրասենյակներ և ներքին բակ: Վեցերորդ հարկ: Ռեստորանային համալիր՝ բացօթյա տեսարաններով և հարթ տանիքի հնարավորություններով: Տեխնիկական բնութագիր և անվտանգություն Կոնստրուկցիա: Երկաթբետոնե միաձույլ կմախք, սեյսմակայունությունը՝ 9 և ավելի բալ: Արտաքին հարդարում: Օգտագործված են տեղական բնական քարեր՝ բազալտ, տրավերտին և սև տուֆ: Ինժեներական համակարգեր: 5 վերելակ, ծխահեռացման և հրդեհաշիջման ավտոմատ համակարգեր, լիարժեք հարմարեցում բնակչության սակավաշարժ խմբերի (ԲՍԽ) համար: